Sími: 866-9600 - Stuðningssími: 866-9618 - Netfang: kraftur@kraftur.org

STYRKJA starfsemi Krafts

Ef þú vilt styrkja starfsemi Krafts er hægt að leggja inn á
bankareikning Krafts 327-26-112233, kennitala Krafts er 571199-3009

Mánaðarlegur styrkur eða Stakt framlag

Afmælisdagatal

Spennandi viðburðir allt afmælisárið, fylgist með þegar gluggarnir opnast mánaðarlega

Þegar þú ert ungur og greinist með krabbamein eða ert aðstandandi þá skiptir svo miklu máli að vita hvert maður getur leitað.

Hulda Hjálmarsdóttir, framkvæmdastjóri Krafts

Kraftur 20 ára 

Tuttugu ár eru liðin síðan Kraftur var stofnaður. Árið 2019 mun Kraftur fagna allt árið með því að vera með viðburði og fræðslu til að vekja fólk til umhugsunar um málefni ungs fólks sem greinst hefur með krabbamein og aðstandendur. Við munum meðal annars vera með hlaðvarp, málþing, opna fræðsluvef og gefa út bókina LífsKraft.

Á svona tímamótum lítur maður yfir farinn veg og hugsar til þess hversu mörgum við höfum hjálpað og stöndum við í þakkarskuld við þá eldhuga sem stofnuðu félagið á sínum tíma og alla þá sem hafa styrkt okkur í gegnum tíðina. Kraftur er lítið félag með stórt hjarta sem slær fyrir félagsmenn sína. Við leggjum okkur fram um að veita skjólstæðingum okkar eins góða þjónustu og í okkar valdi stendur, vera til staðar og á sama tíma hjálpa fólki að njóta líðandi stundar.

Við vonum að með öllum viðburðum okkar og fræðslu munum við gera málefninu enn betri skil og þið njóta þess með okkur að „Lífið er núna“

2.6. Sorgin fer ekki, hún lifir með manni

Flest upplifum við sorg einhvern tíma á lífsleiðinni og tekst fólk á við hana á mismunandi vegu. Viðmælendur þáttarins, séra Vigfús Bjarni og Ína Ólöf, eru þó sammála um mikilvægi þess að tala um sorgina og fá aðstoð við að fara í gegnum það tilfinningalega ferli. Það er aldrei of seint og getur úrvinnslan verið göfgandi þó þjáningin sé það ekki.

Þátturinn er kominn inn á Spotify og allar hlaðvarpsveitur.

2.5. Er tenging milli krabbameins og mataræðis?

Það er magnað hversu mikil áhrif við getum haft á líf okkar og heilsu með mataræði og heilbrigðum lífstíl. T.d. er hægt að koma í veg fyrir 30-50% krabbameinstilvika með breyttum lífstíl. Jóhanna Torfadóttir næringarfræðingur og Elín Skúladóttir, sem breytti matarræði sínu í kjölfar krabbameinsgreiningar, ræða hér mikilvægi holls mataræðis.

Þátturinn er kominn inn á Spotify og allar hlaðvarpsveitur.

Instagram#krafturcancer

© 2017 KRAFTUR - Skilmálar fyrir netverslun
Hannað og kóðað af Vefgerðinni