Sími: 866-9600 - Stuðningssími: 866-9618 - Netfang: kraftur@kraftur.org
Hleð Viðburðir

« Allt Viðburðir

  • This event has passed.

Frumsýningar-partý

október 20 @ 16:00 - 18:00

Það ótrúlegt en satt en Kraftur er orðinn 20 ára en félagið var stofnað formlega við eldhúsborðið hjá einum félagsmanni 1. október 1999. Undanfarna mánuði hefur Kraftur haft sérstaka afmælisviðburði 20. hvers mánaðar og var engin undantekning þar á í október.

Þann 20. október frumsýndi Kraftur heimildarmyndina – Lífið er núna – sem spannar 20 ára sögu félagsins í máli og myndum. Haldin var sérstök frumsýning og afmælisveisla í Bíó Paradís þar sem félagsmönnum og velgjörðarmönnum var boðið á myndina og í afmælisveislu eftir á. Um 200 manns mættu á svæðið og var mikill samhugur og gleði við völd.

„Mér fannst myndin alveg meiriháttar – alveg rosalega flott og gerir félaginu svo góð skil og þessum 20 árum. Til hamingju Kraftur,“ sagði Hildur Björk Hilmarsdóttir, einn stofnenda Krafts. En hún og Daníel Reynisson, sem lengi var formaður Krafts og í stjórn félagsins, buðu alla velkomna á sýninguna og ræddu eilítið um fyrstu skref Krafts. Hulda Hjálmarsdóttir, framkvæmdastjóri Elín Sandra Skúladóttir, núverandi formaður, þökkuðu öllum þeim sem hafa komið að starfsemi Krafts undanfarin 20 ár og öllum þeim sem hafa lagt hönd á plóg við að koma Krafti svona vel á laggirnar sem nú formlega hefur slitið barnskónum. „Kraftur er félag sem hlustar eftir þörfum félagsmanna sinna og leggur áherslu á beita sér þar sem þörfin er mest. Þannig viljum við sjá félagið þróast áfram og fylgi því sem er í gangi í samfélaginu hverju sinni,“ sagði Hulda Hjálmarsdóttir enn fremur.

Tekin voru viðtöl við um 50 manns fyrir myndina til að koma sögu Krafts saman. Atlantsolía var styrktaraðili myndarinnar en það voru framleiðslufyrirtækið Falcor og Laila markaðsstofa ásamt að sjálfsögðu Krafti sem settu myndina saman. Stjórn Krafts vill líka þakka RÚV sérstaklega fyrir það sjónvarpsefni sem var notað í myndinni.

Einnig þakkar Kraftur eftirfarandi fyrirtækjum fyrir stuðninginn við að gera frumsýningarpartýið og afmælisveisluna stórglæsilega. Anton Bjarni ljósmyndari, Bílaleiga Akureyrar, Bíó Paradís, Grænn Markaður, H-Berg, Innnes, Litróf, Margrét Arnardóttir harmonikuleikari, Motta, Múlakaffi, Ölgerðin, Partýbúðin, Prentagram, Sætar syndir, Signa og Upplifun.

Hér má sjá ýmsar myndir frumsýningarpartýinu en vonast er til þess að heimildarmyndin verði fljótlega sýnd öllum landsmönnum.

Upplýsingar

Dagsetn:
október 20
Tími
16:00 - 18:00

Skipuleggjandi

Kraftur
Sími:
8669600
Netfang:
kraftur@kraftur.org
Vefsíða:
www.lifidernuna.is

Staðsetning

bíó paradís
Hverfisgata 54
Reykjavik, Reykjavik 105 Iceland
+ Google Map

Instagram#krafturcancer

© 2017 KRAFTUR - Skilmálar fyrir netverslun
Hannað og kóðað af Vefgerðinni